महाराष्ट्र राज्याचे उपमुख्यमंत्री श्री. एकनाथजी शिंदे यांच्या पत्नी सौ.लताताई शिंदे यांनी, श्रीक्षेत्र थेऊर येथे श्री.चिंतामणी गणपतीच्या दर्शनानिमित्त दिली भेट.
यावेळी सौ.लताताई शिंदे यांच्या हस्ते, थेऊर गणपती मंदिरात आरती करण्यात आली. यानंतर देवस्थान व सर्व शासकीय अधिकाऱ्यांनी त्यांचे स्वागत केले. थेऊर येथे सुरू असलेल्या, विविध विकासकामांची सौ. शिंदे यांनी महिती घेतली तसेच यापुढेही थेऊरसह अष्टविनायक गणपतींना सर्वोत्तपरी सहकार्य करण्याचे सुतोवाच केले.
यावेळी थेऊर ग्रामपंचायत सदस्य युवराज काकडे, पोलीस निरीक्षक राजेंद्र पन्हाळे, PMRDA अधिकारी शितल देशपांडे, सुभाष मोरे, थेऊर मंडल अधिकारी किशोर जाधव, ग्रामपंचायत अधिकारी तुकाराम पाटील, माजी पंचायत समिती सदस्य हिरामण काकडे, काळूराम कांबळे, विश्वस्त केशव विध्वंस, भरत कुंजीर, राहुल कांबळे, सुखराज कुंजीर, निलेश काळभोर, गोविंद तारू, मयुर कुंजीर, विनोद माळी, गणेश कुंजीर, गणेश चव्हाण, रामचंद्र बोडके, सोमनाथ जाधव, रायचंद जाधव व इतर ग्रामस्थ उपस्थित होते.
यावेळी थेऊर येथील बचत गटाच्या महिलांनी, सौ. शिंदे यांचे औक्षण करून, लाडक्या बहिणींचा सन्मान केल्याबद्दल आभार व्यक्त केले. थेऊर येथील दर्शनानंतर सौ. शिंदे या पुढील अष्टविनायक दर्शनासाठी रांजणगावकडे रवाना झाल्या.
