रोहिदास उंद्रे यांच्याकडून ‘मुख्यमंत्री सहायता निधीसाठी’ धनादेश
पुणे जिल्हा प्रतिनिधी
पुणे कृषी उत्पन्न बाजार समितीचे माजी सभापती व विद्यमान संचालक रोहिदास उंद्रे यांनी महाराष्ट्राचे मुख्यमंत्री श्री देवेंद्रजी फडणवीस यांची दिपावली निमित्ताने सदिच्छा भेट घेत, सामाजिक बांधिलकी म्हणून, राज्यात अवकाळी पावसामुळे शेतकऱ्यांच्या झालेल्या नुकसानीकामी मदत म्हणून, मुख्यमंत्री सहायता निधीसाठी 1,00,000 रु रकमेचा धनादेश, मुंबई येथे ‘वर्षा’ या शासकीय निवासस्थानी सुपूर्द केला.
यावेळी उपमुख्यमंत्र्यांचे विशेष कार्य अधिकारी मंगेश चिवटे, युवराज काकडे, संदीप पवार, रमेश उंद्रे उपस्थित होते.
याप्रसंगी रोहिदास उंद्रे यांनी राज्याचे मुख्यमंत्री देवेंद्र फडणवीस यांचेकडे मराठवाड्यासह पश्चिम महाराष्ट्रातील अतिवृष्टीमुळे शेतकऱ्यांची झालेली नुकसानग्रस्त परिस्थिती सावरण्यासाठी, कर्तव्य म्हणून हा धनादेश सुपूर्त केला तसेच अशा कामांमध्ये नेहमीच योगदान देण्याची भुमिकाही यावेळी व्यक्त केली.
2019 साली कोल्हापूर, सांगली येथे आलेल्या पुरावेळी रोहिदास उंदरे यांनी मांजरी गावच्या वतीने, ट्रक भरून संसार उपयोगी साहित्य पुरग्रस्तांना पाठवून दिले होते. यामुळे तेथील अनेक कुटुंबांचे संसार उभे राहिले होते.
रोहिदास उंद्रे यांनी वेळोवेळी जोपासलेल्या या सामाजिक बांधिलकीमुळे समाजातून कौतुक होते आहे.
