जिल्हा परिषद प्राथमिक शाळा निंबोडी मध्ये आज शिक्षकदिन उत्साहात साजरा करण्यात आला.
भवानीनगर प्रतिनिधी
यावेळी शाळा व्यवस्थापन समिती अध्यक्ष श्री. राहुल घोळवे, उपाध्यक्ष श्री. सुरेश वाघमारे यांच्या हस्ते डॉ. सर्वपल्ली राधाकृष्णन,महात्मा ज्योतिराव फुले व पहिल्या स्त्री शिक्षिका सावित्रीबाई फुले यांच्या प्रतिमेचे पूजन करण्यात आले.
त्यानंतर दोन्ही शिक्षकांचा शाल व गुलाबपुष्प देऊन सत्कार करण्यात आला.
शिक्षकांच्या वेशातील सर्व विद्यार्थ्यांचा देखील गुलाबपुष्प देऊन सत्कार करण्यात आला.मुलांना केळी व सफरचंद वाटप करण्यात आले. त्यानंतर शिक्षकांच्या वेशातील विद्यार्थ्यांनी अध्यापन केले.
